Ég var ömurlegt módel

Hinn harði heimur tískunnar er algengt orðasamband. Anna Pála Sverrisdóttir tók að sér fyrirsætustörf eina helgi og kannaði hvort þetta sé rétt. Í pistli dagsins segir hún söguna af kjólunum, skartinu og fræga fólkinu. “Á síðustu sekúndum fyrir inngöngu er yfir hár- og förðunarmeistarinn Kalli að laga mig til í miklu stressi þegar sýningarstjórinn ákveður að nú verði ekki beðið lengur, dregur mig ákveðið frá honum og sendir mig út á pallinn. Nema að í handaganginum klessir Kalli grímunni óvart upp í opið augað á mér,..”

 

 

Lesa meira...

Heimavinnandi femínisti?

Steinunn Gyðu- og Guðjónsdóttir á pistil dagsins í dag. Hún er femínisti og vill þar af leiðandi banna konum að vinna heima, er það ekki? “Það hefði ábyggilega haft sömu áhrif á mig ef hún hefði staðið upp í miðri kennslustund, gengið að mér og hellt yfir mig ísköldu vatni í lítravís. Ég var furðulostin. Kennarinn var svo fljótur að drífa glærusýninguna sína áfram að enginn fékk rúm til að leiðrétta, já ég leyfi mér að segja leiðrétta, þessa fullyrðingu samnemanda míns,” segir Steinunn meðal annars.

Lesa meira...

Kraumandi Kúba

Kúba er ekki bara paradísareyja til að fara á og drekka mojito og dansa salsa. Hún er eitt heitasta deiluefnið í stjórnmálaumræðu. Í helgarumfjöllun vikunnar deilir Eva Bjarnadóttir ferðasögu með lesendum, en hún er nýkomin heim frá Kúbu. Eva lýsir því sem fyrir augu bar í þessu sérstaka samfélagi og veltir fyrir sér spurningunni um hvað manni á eiginlega að finnast um stjórnmálin á Kúbu. “Á meðan Julio leiðir okkur í gegnum dalinn, sýnir okkur náttúruna og fræðir okkur um félagslegar og menningarlegar staðreyndir um tóbaksbændur kemst hann ekki undan því að ræða byltinguna og ástand landsins, þótt hann strangt til tekið megi ekki ræða það. Julio vinnur nefnilega fyrir ríkið líkt og allir aðrir, jafnvel salsakennarinn er ríkisstarfsmaður.”

Lesa meira 

Af yfirvofandi dauða almenningssamgangna

Í grein dagsins gagnrýnir Atli Bollason harðlega þær grófu þjónustuskerðingar sem eru að verða á Strætó bs. Honum segir svo hugur að verið sé að velja einkabílinn fyrir Reykvíkinga og að hann sé augljóslega í forgrunni í framtíðarborgarskipulagi Reykjavíkur þar sem stofnbrautir, bílastæði og mislæg gatnamót verða til á kostnað mannlífsins. Í greininni segir m.a: ég get ekki séð fyrir mér að nokkur maður geti fært sannfærandi rök fyrir þeim skemmdarverkum sem verið er að vinna á almenningssamgöngum á höfuðborgarsvæðinu um þessar mundir.

Lesa meira

Vinstri-grænir á biðilsbuxunum

Í grein dagsins skoðar Gró Einarsdóttir þá stöðu sem hefur komið upp í kjölfar niðurstöðu kosninganna. Vinstri grænir virðast vilja komast í stjórn með Sjálfstæðisflokknum en hallmæla ákaft Framsóknarflokknum fyrir að vera stóriðjuflokkur og hafna samstarfi við hann. Í greininni segir m.a: En síðan hvenær ber Sjálfstæðisflokkurinn eitthvað minni ábyrgð á stóriðjustefnunni en Framsóknarflokkurinn? Síðan hvenær er Sjálfstæðisflokkurinn  grænn flokkur? (Svarið virðist vera: frá þeim tímapunkti að það hentaði Steingrími)

 

Lesa meira....

Risessustórt tækifæri

Í dag gleðst Helga Tryggvadóttir yfir því frábæra tækifæri sem við öll höfum til að hafa áhrif á hvernig landinu er stjórnað. Hún vegur og metur hvað hefur farið vel síðustu 12 ár og hvað hefði mátt fara mun betur.  Í framhaldi kemur hún með hvatningu til allra lesenda Vefritsins.  Í greininni segir m.a: ”Hátíðisdagurinn 12. maí er upp runninn. Risessa gengur um götur borgarinnar í sólinni og nær vonandi að plata risann föður sinn til þess að yfirgefa borgina áður en hann veldur meiri tjóni á bifreiðum en þegar er orðið. Júróvisjón-partýið stendur sem hæst, þrátt fyrir óheppilega útkomu á fimmtudagskvöldið ….   Mér finnst samt best að í dag fáum við að kjósa. Í dag fáum við langþráð tækifæri til þess að hafa áhrif á hverjir stjórna landinu, hverjir taka ákvarðanirnar sem hafa áhrif á líf okkar allra hvern einasta dag.” Lesa meira...

Búið að opna kjörstaði um allt land

Þetta er alveg að koma

Í grein dagsins veltir Þórgunnur Oddsdóttir því fyrir sér hvernig hægt er að vera jafnréttissinni eins og þeir Geir, Jón og Guðjón Arnar án þess samþykkja að vera femínistar. Í greininni segir meðal annars: “Þeir sem kalla sig jafnréttissinna eru ósáttir við róttækni femínistanna sem krefjast breytinga og aðgerða strax. Þeir segja gjarnan að þetta sé alveg að koma. Við þurfum bara að bíða aðeins og svo jafnist þetta út á endanum.”

Lesa meira...

Ef alltaf væri korter í kosningar

Í grein dagsins veltir Eva Bjarnadóttir fyrir sér hversu miklu betra þjóðfélagið væri ef ráðamenn hefðu sama framkvæmdarviljann allt kjörtímabilið. Í greininni segir meðal annars:” Íslenska ríkið hefur efni á því að sinna velferðarkerfinu vel fyrir alla alltaf. Það eina sem þarf er pólitískur vilji sitjandi ríkisstjórnar. Hann er ekki fyrir hendi í dag – nema kannski korteri fyrir kosningar.” Lesa meira...

Vilja banna ráðherrum að skrifa undir samninga 90 daga fyrir kosningar

Hversu mikið er hægt að kanna?

Undanfarnar vikur hefur síbylja af niðurstöðum úr misgáfulegum skoðanakönnunum, sem mæla fylgi stjórnmálaflokka, dunið á landsmönnum. Í grein dagsins fjallar Agnar Freyr Helgason um allar þessar blessuðu kannanir og veltir því upp hvort að Íslendingar séu hugsanlega orðnir vinstrisinnaðri en á árum áður. Segir meðal annars í greininni: ,,Á móti þessu hafa flokkarnir sem gjarnan eru skilgreindir til vinstri í íslenskum stjórnmálum verið að sækja í sig veðrið enda hin hliðin á sama pening. Eftir að hafa lengstum haft á bilinu 25-30% þingmanna á bakvið sig, hafa Samfylkingin og Vinstri græn (og forverar þeirra) náð 38-40% þingmanna í öllum kosningum frá 1983. Í síbylju skoðanakannananna mælast flokkarnir tveir nú iðulega með 27-30 þingmenn, sem jafngildir um 43-48% þingstyrk.”

Lesa meira...

Fylgi Samfylkingar og Framsóknarflokks eykst

Umhverfisvæn ráð í boði McDonalds

Hvernig getum við tekið aukna ábyrgð gjörðum okkar og áhrifum þeirra á umhverfið? Í grein dagsins veltir Snorri Sigurðsson því fyrir sér og gefur okkur umhverfisvæn ráð. Í greininni segir meðal annars: “Við Íslendingar erum dugleg að bera okkur saman við aðrar þjóðir og toppum gjarnan ýmsa lista þegar tekið er tillit til höfðatölu. Það sorglega er að mikið af þeim listum snúast um neyslu og eyðslu. Íslendingar drekka mikið af kóki, Íslendingar tala mikið í símann, Íslendingar versla mikið á internetinu. Það gerist hins vegar ekki oft að maður heyri um hvað Íslendingar séu duglegir að endurvinna, flokka rusl, spara orku o.s.f.v. Er ekki kominn tími til að bæta úr því ?”
Lesa meira...

Skólagjöld Sjálfstæðisflokksins

Hann er óneitanlega fallegur, búningurinn sem Sjálfstæðisflokkur Geirs Haarde klæðist nú skömmu fyrir einkunnaafhendinguna 12. maí. Agnar Burgess grefst fyrir um stefnumál flokksins í grein dagsins. Í hennir segir meðal annars: “Undir menntamálum er stiklað á stóru og auknu framboði á háskólanámi réttilega fagnað. Hins vegar er ekki nefnt einu orði það sem mér finnst markverðast við ályktanir landsþingsins en það er lítil setning, grafin innan um aðrar, undir hlekknum „ályktun landsfundar um skóla- og fræðslumál í heild sinni“. Það er ekki beint ætlast til þess að það fyrsta sem námsmaður í leit að stefnu í skólamálum sjái þetta." Lesa meira...

Dregið úr tekjutengingu námslána hjá LÍN

Velferðarmálin fella ríkisstjórnina

Samkvæmt nýlegri könnun Fréttablaðsins munu velferðar- og mennamál ráða miklu í kosningunum 12. maí. Pétur Ólafsson veltir fyrir sér í grein dagsins hvernig ríkisstjórnin hefur staðið sig í í byggja upp íslenskt velferðarsamfélag. Í greininni segir meðal annars: “Ríkiskassinn hefur fjármuni til að útrýma biðlistum með nokkrum pennastrikum en einhverra hluta vegna er eins og handhafar framkvæmdavaldsins vilji það ekki. Þeir hafa tækin, valdið og fjármunina en ekki viljann til að rétta hjálparhönd.” Lesa meira...

Telur líklegt að fleiri orkufyrirtæki verði einkavædd

Ríkisborgararéttur-ný tegund atvinnuleyfis

Mál íslensku stúlkunnar frá Gvatemala hefur verið mikið í umræðunni undanfarið. Flestar spurningar sem hafa vaknað hjá fólki snúa að starfsháttum allsherjarnefnar Alþingis. Í grein dagsins veltir Valgerður B. Eggertsdóttir hins vegar fyrir sér öðrum hliðum málsins. Í greininni segir meðal annars: “Í máli stúlkunnar kristallast fáránleg stefna stjórnvalda í málefnum útlendinga. Fyrir hana, sem var ríkisborgari Gvatemala sem ekki uppfyllti 24 ára regluna, var vonlaust að sækja um atvinnuleyfi á Íslandi. Hennar eina von var að fá náð fyrir augum allsherjarnefndar.” Lesa meira...

Bjarni segist ekki hafa neitað Sigurjóni um gögn

Raunir frambjóðandans

Tæpar tvær vikur eru í kosningar og 756 frambjóðendur reyna að ná eyrum okkar kjósenda. Anna Tryggvadóttir veltir fyrir sér mismunandi og misvel heppnuðum aðferðum sem notaðar eru í baráttunni um atkvæðin. Í greininni segir meðal annars: “Þegar frambærilegu frambjóðendurnir eru uppteknir við að undirbúa sig fyrir að verða Alþingismenn eru þessir minna frambærilegu að taka virkan þátt í kosningabaráttunni. Þeir reyna að hala inn atkvæðunum með því að ræða við fólkið í landinu, maður á mann.  Það er því minna frambærilega fólkið sem við hittum í verslunarklösunum í úthverfunum og hringir í okkur til að kynna ágæti sitt og flokksins.”  Lesa meira...

Fjögur ár í viðbót?

Í helgarumfjöllun vikunnar skrifar Pétur Ólafsson um komandi kosningar, þörfina á að breyta um ríkisstjórn og allar þær fylgiskannanir sem hafa dunið yfir okkur. Í greininni segir meðal annars: “Ég sem var búinn að búa mig undir stórsigur vinstri aflanna í landinu eftir mestu lönguvitleysu íslenskrar stjórnmálasögu sem valdabandalag Framsóknar og Sjálfstæðisflokks hefur verið allt frá árinu 1995. Það eru tólf ár síðan! Þá voru enn tvö ár í að hinn ungi Blair og New Labour stefnan ynni Bretland. Þá var Davíð Oddsson dökkhærður, Siggi Sveins ennþá í landsliðinu og allir söfnuðu körfuboltamyndum – sú var tíðinn.” Lesa meira...

Fylgi Samfylkingar og VG jafnmikið

Prestastefna - Það sem enginn sá

Í grein dagsins fjallar Grétar Halldór Gunnarsson um nýafstaðna prestastefnu á Húsavík.  Hann greinir frá því sem enginn sá en gerðist samt. Í greininni segir m.a: “Á prestastefnunni var hinsvegar líka hópur presta sem vildi ganga aðra leið en þá sem var farin. Prestarnir voru hluti af 40 manna hóp sem sendi frá sér aðra tillögu og lögðu fyrir prestastefnu. Þeir vildu ganga þann veg að gera hjónaband samkynhneigðra “eins” hjónaband og hjónaband karls og konu. Þeir voru ekki einir sem voru þeirrar skoðunar.”

Lesa meira...

Hvað finnst prestum?

Kirkja og Kredda

Prestastefna hefur verið í fréttum undanfarið.  Í grein dagsins fjallar Kári Hólmar Ragnarsson um hana gagnrýnir ýmislegt það sem honum finnst að kirkjunni og  stöðu hennar í tengslum við ríkisvaldið. Í greininni segir m.a: Jafnrétti er þannig ein af grundvallarreglunum sem við byggjum samfélag okkar á. Það að réttlæta mismunandi stöðu fólks með kynhneigð er því í andstöðu við stjórnarskránna. Mér, sem verðandi lögspekingi, finnst umræðan eiginlega ekkert eiga að ná lengra en þetta. 

Lesa meira....

Af Bóbóum

Hvað eru Bóbóar? Í grein dagsins útlistar Bryndís Björgvinsdóttir hvað Bóbóar eru og lýsir í grundvallaratriðum. Um leið skorar hún á alla sem lesa að sjá sjálfa sig í Bóbóunum. Í greininni segir m.a: „Hvíta ruslið” er líklegast eini hópurinn sem hinn pólitíski rétttrúnaður gefur skotleyfi á. „Hvíta ruslið“ býr til góðan smekk Bóbóunum til handa með því að stunda sinn vonda smekk. Hérlendis er „hvíta ruslið“ hinir „ómeðvituðu og smekklausu neytendur“. Fólkið sem sér ekkert athugavert við úthverfin, stríð í Írak eða Kárahnjúkavirkjun. „Hvíta ruslið“ fer í lýtaaðgerðaþætti í sjónvarpinu, á blautbolakeppni og á rallímót. Bóbóinn myndi aldrei láta sjá sig á slíkum samkomum nema í mótmælaskyni eða í einhverskonar grín bríeríi, gríni og yfirlæti eins og „íslenski hvíta rusls“ karakterinn Silvía Nótt tjáir eða sumar persónur Legs Hugleiks Dagssonar.

Lesa meira.....

Frelsisþulan gamla

Í grein dagsins rifjar Steinnunn Gyðu-og Guðjónsdóttir upp baráttulag fyrir jafnrétti frá árinu 1975.  Hún skoðar í framhaldi hversu mikla þörf við höfum enn fyrir boðskap þessa baráttulags. Í greininni segir m.a: Því frelsisþulan gamla er fjarska lítið sönn og félagshyggju og jafnrétti miðar ekki spönn.

Lesa meira...

Frelsi til menntunar

Fyrr í mánuðinum kynnti Stúdentaráð Háskóla Íslands áherslur stúdenta í menntamálum fyrir komandi kosningar. Af því tilefni gaf ráðið út stefnuskrá og skoraði á stjórnmálaflokkanna að gera stefnumál ráðsins að sínum og berjast þannig fyrir betra samfélagi. Í grein dagsins fjallar Agnar Freyr Helgason um eitt helsta áherslumál stúdentahreyfingarinnar - andstöðuna við skólagjöld. Segir meðal annars: ,,Sé það markmið okkar að hækka menntunarstig þjóðarinnar – ef ekki til að vera í fremstu röð meðal þjóða, heldur einungis til að halda í við nágrannaríki okkar – er erfitt að sjá hvernig upptaka skólagjalda við opinbera háskóla geti samrýmst því. Það þarf ekki hagfræðing til að benda á þá augljósu staðreynd að aukin gjaldtaka leiði til þess að færri sæki sér háskólamenntun.”

Lesa meira....