Stafræn stéttaskipting II

“Fólk hefur annað hvort aðgang að upplýsinga- og fjarskiptatækni eða ekki, þú ert annað hvort tengdur eða ekki. Frá þessu sjónarhorni er auðvelt að skilgreina stafrænu gjána og því ætti að vera eins auðvelt að loka henni eða brúa hana, að því gefnu að pólitískur vilji sé fyrir hendi til að tengja þá sem ekki þegar eru tengdir. Það eru þeir sem eru menntaðir og efnaðir sem telja að aðrir þurfi upplýsingatækni, þeir telja einnig að tæknin teljist til þeirra nauðsynja sem ríki þurfa til að þróast.”  

Lesa meira...

Vel get ég látið það eftir foreldrum mínum

Í grein dagsins fjallar Óskar Örn Arnórsson um ábyrgð einstaklinga og algeng skammtímasjónarmið í málefnum náttúrunnar. Í greininni segir m.a: Við erum líka svo stutt hérna hvort eð er, og bara í mesta lagi fjögur ár í næstu Alþingiskosningar, þannig að umhverfismálin verða að bíða. Og það sjá allir að það er mikilvægara að sækja litla bróður sinn á fótboltaæfingu en að komast hjá því að jöklarnir hverfi, eyjasamfélög fari undir sjó og landbúnaður í fátækustu löndum heims raskist.

Lesa meira..

Félagshyggjufólk fagnaði sigri

Röskva vann tímamótasigur nú fyrir helgi. Valgerður B. Eggertsdóttir fjallar um kosningarnar í grein dagsins. Í henni segir meðal annars: “ Þátttakendur í kosningabaráttu félagins voru gríðarlega margir og var það þeirra vinna sem skilaði félagshyggjufólki við Háskólann sigri í hús. Þegar rýnt er í tölur frá kosningunum kemur meðal annars í ljós að atkvæðaaukning Röskvu milli ára nam heilum 30,9%. Frá því að verja naumlega sinn fjórða mann árið áður bætti nú Röskva við sig manni Stúdentaráði.” Lesa meira...

Þekkir þú helgarmömmu?

Í grein dagsins veltir Anna Tryggvadóttir fyrir sér hversu langt jafnréttisbaráttan hefur skilað okkur. Í greininni segir meðal annars: ”Staðreyndin er sú að fæstir þekkja fráskilda konu sem er ekki með sama lögheimili og börnin hennar. Stundum skipta foreldrar börnunum á milli sín og í þau örfáu skipti sem faðirinn fær forsjá barnanna er það mikill álitshnekkur fyrir móðurina. Okkur þykir nefnilega eðlilegt að móðirin hugsi um börnin eftir skilnað og ef hún gerir það ekki hlýtur eitthvað stórkostlegt að vera að henni.” Lesa meira...

Skandall skekur Downingstræti

Í helgaumfjöllun vikunnar fjallar Pétur Ólafsson um meinta sölu þingsæta í Lávarðardeild breska þingsins. Í greininni segir meðal annars: “Eftir atvik ársins 2005 hóf lögreglan rannsókn sína sem náði allt aftur til ársins 2001. Samkvæmt henni virðast stærstu flokkar landsins viðriðnir sölu þingsæta á síðustu sex árum samkvæmt fréttaskýrendum dagblaðanna. Um eitt hundrað manns hafa verið færðir til yfirheyrslu vegna málsins, sumir með réttarstöðu sakborninga en aðrir sem vitni.”

Lesa meira...

Bölvaður bjórinn II

Frumvarp fjórtán þingmanna úr stjórn og stjórnarandstöðu um afnám einkasölu ríkisins á bjór og léttvíni var tekið til fyrstu umræðu á Alþingi fyrir viku síðan. Agnar Freyr Helgason fjallar í grein dagsins um málið, sem margoft hefur komið til kasta þingsins án þess að fá afgreiðslu úr nefnd: „Vandséð er hvað veldur því að málið fái ekki brautargengi enda nýtur það þverpólitískrar samstöðu og hafa skoðanakannanir sýnt að meirihluti þjóðarinnar er fylgjandi því að bjór og léttvín megi selja í matvöruverslunum. Í ljósi þessa hljóta því að liggja fyrir veigamikil rök gegn breytingunni enda virðist almennur vilji vera fyrir því að frumvarpið nái fram að ganga.“ Lesa meira.

Röskva - rödd stúdenta

Í dag og á morgun er kosið til Stúdentaráðs Háskóla Íslands. Kári Hólmar Ragnarsson fjallar í grein dagsins um félagshyggjusamtökin Röskvu, sem hefur verið leiðandi afl í ráðinu undanfarið ár. Segir meðal annars: ,,Það er enginn að fara að gera hlutina fyrir okkur. Ef við viljum ná árangri, þá verðum við að gera það sjálf, og þora að láta í okkur heyra. Þess vegna verður Stúdentaráð að hugsa stórt, marka sér stefnu til lengri tíma og vinna á skýrum hugmyndafræðilegum grundvelli.”

Lesa meira... 

Stafræn stéttaskipting

Í grein dagsins fjallar Lára Jónasdóttir um hið nýja upplýsingasamfélag í ljósi aukinnar stéttaskiptingar. Í greininni segir meðal annars: “Það snýst ekki endilega um að þeir fátæku fái minni laun og þeir ríkari séu að fá hærri og hærri laun, heldur snýst þetta að einhverju leyti einnig um aðgang að upplýsingum og tækifærum. Þeir sem eru það efnaðir að geta keypt sér tölvu, geta kennt börnum sínum á tölvur og nýtt sér upplýsingatæknina. Þá eru þeir skrefi framar þegar kemur að því að ná sér í góða vinnu og hafa meiri aðgang að upplýsingum um hvaða réttindi þeir hafa o.s.frv.” Lesa meira...

Líkur á sögulegum kosningum

Hillary Clinton hefur sagt að nái hún kjöri sem forseti Bandaríkjanna muni hún binda enda á stríðsrekstur þeirra í Írak. Barátta hennar fyrir tilnefningu virðist þó erfiðari en í fyrstu var talið þar sem óvæntur keppinautur hefur nú slegist í hóp þeirra sem sækjast eftir útnefningu.
Í grein dagsins fjallar Örlygur Hnefill Örlygsson um framboðsmál demókrata í Bandaríkjunum og þá sögulegu staðreynd að nú telja flestir valið standa milli konu og blökkumanns.
“Skoðanakannanir í Bandaríkjunum hafa sýnt að 86 prósent treysta konu til embættis forseta og 93 prósent treysta þeldökkum frambjóðanda. Ef þær tölur reynast réttar eru þær mun hærri en áður í sögu Bandaríkjanna. Sögulegar óvinsældir sitjandi forseta geta líka átt sinn þátt í að fólk er tilbúið til að sjá breytingar.” Lesa meira.

Stórt tímamótaár að baki

Á miðvikudag og fimmtudag verður kosið til Stúdentaráðs og Háskólafundar í Háskóla Íslands. Það starfsár sem er að líða markaði ákveðin tímamót þar sem í fyrsta skipti hafa stúdenaráðsliðar Röskvu og Vöku myndað meirihluta í ráðinu. Valgerður B. Eggertsdóttir tók Ásgeir Runólfsson tali en hann hefur undanfarið ár starfað sem framkvæmdarstjóri ráðsins. Í viðtalinu segir Ásgeir meðal annars: „Röskva vill að stúdentar fái styrk til að stunda háskólanám. Það kerfi þekkist allststaðar á Norðurlöndunum og á líka að vera við lýði á Íslandi. Við viljum útfæra þetta styrkjakerfi í gegnum lánasjóðinn og fólk mundi þá fá 25% af fullum námslánum sem styrk þegar það hefur lokið háskólagráðu.” Lesa meira.