Vefritstíðindi

Í grein dagsins fjallar vefritspenninn Þórður Sveinsson um það samhengi sem hafa verður í huga þegar brugðist er við efnahagskreppunni. Hann telur að horfa verði út fyrir rammann þegar ákveðið er hvað skuli til bragðs taka, til dæmis skera niður. Gæta verði þess að einstakar aðgerðir snúist ekki upp í andhverfu sína. Það feli í sér að líta verði til langtímaáhrifa en ekki aðeins skammtímaáhrifa. „Þegar brugðist er við efnahagsþrengingunum verður að hafa ofangreint samhengi í huga. Þess vegna verður fjárhagslegur niðurskurður að byggjast á skynsemi og yfirvegun. Á sumum sviðum ætti jafnvel að auka útgjöld fremur en að spara. Sem dæmi má nefna heitan mat í grunnskólum. Nú er ráð að gefa börnum ókeypis skólamáltíðir svo að tryggt sé að þau fái öll holla og góða næringu en við núverandi aðstæður er því miður alls ekki víst að sú sé raunin.“

Ég vil lesa meira um mannúðlegar aðhaldsaðgerðir!

Í dag og á morgun ganga yfir 13.000 stúdentar við Háskóla Íslands til kosninga. Aldrei hafa verið jafn margir á kjörskrá og í seinni tíð hefur sennilega aldrei verið jafn mikilvægt að stúdentar fjölmenni á kjörstað. Líkt og undanfarin ár hefur kosningabaráttan í Háskólanum að miklu leyti snúist um það hlutverk sem fylkingarnar sem bjóða fram telja að Stúdentaráð eigi að hafa. Í grein dagsins fjallar Vefritspenninn Dagný Ósk Aradóttir um mikilvægi þess að Stúdentar mæti á kjörstað og styðji Röskvu í þessum kosningum. “Þetta er þó svo undarlegt því öll hagsmunabarátta er í eðli sínu pólitík. Jafnrétti kynjanna er pólitík, jafnrétti til náms er það líka, LÍN er pólitík og bara sú staðreynd að til sé Háskóli Íslands sem er að mestu rekinn af almannafé er pólitík. Að viðurkenna sig ekki sem pólitískt afl sem hefur skoðanir á pólitískum hlutum hlýtur að veikja málstaðinn og koma niður á stúdentum.”

Já, Ég vil lesa meira um pólitískt Stúdentaráð og rödd stúdenta!

	Vona að atburðir við þinghúsið boði ekki nýja siði
Ábyrgðarmaður færslu Tilkynna um óviðeigandi tengingu við frétt

Í gær tók við völdum ríkisstjórn Samfylkingar og Vinstri-grænna. Framsóknarflokkurinn mun verja ríkisstjórnina falli en hlutverk hans er að öðru leyti enn nokkuð óljóst. Á Íslandi situr því raunveruleg félagshyggjustjórn í fyrsta skipti í 18 ár. Vefritspenninn Þórir Hrafn Gunnarsson fjallar í grein dagsins um mikilvægi næstu kosninga og hverjir það verða sem munu beita sér gegn félagshyggjuöflunum. “Þessi nýja félagshyggjustjórn er ekki í öfundsverðri stöðu. Það er verkefni hennar að taka við þrotabúi nýfrjálshyggjunnar, en Ísland hefur undanfarin ár verið notað sem tilraunaverkefni í öfgakenndri hugmyndafræði hennar. Þeir tímar eru nú liðnir og uppbyggingarstarfið þarf að hefjast af fullum krafti.”

Já! Ég vil að sjálfsögðu lesa meira um ríkisstjórn Jóbama og auðvaldið!

	Stjórnarskiptin vekja athygli
Ábyrgðarmaður færslu Tilkynna um óviðeigandi tengingu við frétt

Í upphafi árs komu upplýsingar frá Þjóðskrá um að hlutfall skráðra Íslendinga í þjóðkirkjuna væri í fyrsta skipti komið undir 80%. Staða kirkjunar hér á landi er nokkuð umdeild en sú krafa verður sífellt háværari að skilja beri á milli ríkis og kirkju. Í Vefritsgrein dagsins fer Bjarni Þór Pétursson aðeins yfir stöðu þjóðkirkjunar í ljósi kreppunar. ,,Er boðlegt að ríkið eyði 5-6 milljörðum á ári (plús ofurlaun presta og skattfríðindi) þegar að brot af þjóðinni nýtir sér þjónustuna þegar þessar tölur eru skoðaðar blákalt? Eða er kannski kominn tími á aðskilnað; þar sem kirkjugestir halda uppi sinni eigin kirkju og milljarðarnir fara í velferðarkerfið eða hreinlega í tóma vasa almennings?”

Lesa meira um aðskilnað ríkis og kirkju ...

Hvernig viljum við hafa heilbrigðiskerfi Íslands? Hvað færir okkur mesta heilsu? Er það ef til vill steypa? Í grein dagsins mælir Eyjólfur Þorkelsson fyrir byggingu nýs sjúkrahúss: “Óþörf peningaeyðsla og óþörf áhætta fyrir sjúklinga er hinsvegar nokkuð sem ég sé svo gott sem upp á dag við núverandi aðstæður.”

Lesa meira um nýtt sjúkrahús...

Já, ég vil lesa meira um vinstrimenn í góðærinu!

	Táknmynd góðæris eða kreppu
Ábyrgðarmaður færslu Tilkynna um óviðeigandi tengingu við frétt

Umboðsmaður Alþingis segir í áliti sínu að Árni Mathiesen hafi ekki valið hæfasta umsækjandann í embætti dómara við Héraðsdóm Norðurlands eystra. Í grein dagsins spyr Steindór Grétar Jónsson hvort þingmenn Samfylkingarinnar sætti sig við að Árni sitji áfram í ráðherrastól í umboði þeirra. „ Allir ættu nú að geta sammælst um að það var rangt af Árna að skipa Þorstein í starfið, annarlegir hagsmunir hafi þar augljóslega ráðið för og að svona pólitískar skipanir ættu ekki að líðast í frjálsu og opnu lýðræðisríki. Dómarar hafa mikil völd yfir fólki, fjármunum þess, frelsi og framtíð. Það er því sjálfsögð krafa að þeir hæfustu gegni þessum þýðingarmiklu embættum.“

Ég treysti Árna Matt til engra verka, en vil samt lesa meira...

	Mótmælt við Alþingishúsið
Ábyrgðarmaður færslu Tilkynna um óviðeigandi tengingu við frétt

Félagshyggjufólki er ekki treystandi fyrir skattpeningum! Í pistli dagsins skoðar Sverrir Bollason þessa fullyrðingu og er meðal annars ekki frá því að hann noti frjálshyggjuna sem innblástur öðru hvoru. „Þessi prentsmiðja ætti í raun ekki að skipta sér af prentiðnaði, til þess eru mörg önnur fyrirtæki með öðru rekstrarsniði til þess betur fallin!“ Ímyndið ykkur móralinn á þeim vinnustað eftir slíka ræðu. Ímyndið ykkur svo móralinn ef þetta væri í raun eina framlag forstjórans til rekstursins. Sennilega er það ekki svo ólíkt því að starfa hjá ríkisstofnunum hér á landi undanfarin ár.“

Já, ég lesa um sviðna jörð frjálshyggjumanna í ríkisrekstri ...

Lausnin á efnahagsvanda okkar tíma felst í að gera ekki sömu mistökin aftur. Sverrir Bollason skrifar í grein dagsins um það hvernig íslenskt atvinnulíf eigi að taka til við endursköpun sína án þess að græðgin verði aftur látin ráða för: „Bæði í pólitík og viðskiptum er oft talað um hádegisverðinn sem aldrei er ókeypis. Það þýðir að maður gerir ekki neitt fyrir neinn sem gerir ekki neitt fyrir neinn. Skilningur landsmanna á heilbrigðum samskiptum hefur verið brenglaður af því hugarfari að hægt sé að fá allt fyrir ekkert því merkilegt nokk, gekk það um tíma. Það tímabil er liðið og beið skipbrot með viðeigandi skell.“

Já, ég vil lesa meira nýja viðskiptahætti...