Hugleiðing um (sannleika og) réttlæti

Nokkur umræða hefur verið um menntun og bakgrunn ráðherra í ríkisstjórn Íslands. Mikið hefur mætt á viðskiptaráðherra, Björgvini G. Sigurðssyni, og efasemdaraddir uppi um hvort heimspekimenntun hans nýtist í starfi. Í grein dagsins skoðar Bjarni Þór Pétursson BA-ritgerð Björgvins sem ber heitið „Hugleiðing um réttlæti“. Hann kemst að þeirri niðurstöðu að ritgerðin ætti að nýtast Björgvini vel - í því að segja af sér. Ég óska viðskiptaráðherra góðs gengis í sinni ákvarðanatöku, ritgerðin stendur enn fyrir sínu og ætti að hjálpa til við skýrari framtíðarsýn, bæði hans og okkar allra. Megi Björgvini G. Sigurðssyni farnast vel í hverju því sem hann tekur sér fyrir hendur og megi þessi dæmisaga úr raunveruleikanum verða öðrum víti til varnaðar – réttsýnir góðir menn, á réttum stað, á réttum tíma verða að taka réttar ákvarðanir ef vel á að fara.
 

Já, ég kynna mér inntak BA-ritgerðar viðskiptaráðherra!

Duglega Auður

Bylting og kvenfrelsi eru viðfangsefni greinar dagsins á Vefritinu. Eva Bjarnadóttir fjallar um hvernig konur geti sætt lagi á umbrotatímum í þjóðfélaginu til að ná fram breytingum. Íslenskar konur finna að kjöraðstæður fyrir kvenfrelsisbyltingu er núna. Fjármálafyrirtækið Auður Capital gaf tóninn. Auður skapaðist í krafti kvenna og reyndist sjálfbær. Nú koma karlar og drengir heim úr stríðinu, eins og það hefur verið nefnt, með skottið á milli lappanna. Þeir viðurkenna að ef til vill hafi einsleit samsetning herdeildarinnar orsakað tapið.
 

Já, ég vil endilega lesa um tækifæri kvenna!

Hömlum aflétt og nýjar settar

Að gefa sumum upp á nýtt

Af hverju eru allir sammála um að börnin okkar eigi að borga fólki aftur sparnaðinn sem gufaði upp þegar bankarnir gáfu upp öndina? Hvað felst í þessu „new deal“ sem gáfumennum verður tíðrætt um? Fá kannski ekkert allir endurgjöf? Stígur Helgason veltir þessu fyrir sér. Það eina sem allir virðast geta komið sér saman um er að ríkissjóður þurfi nauðsynlega að tryggja allar bankainnistæður Íslendinga upp í topp. Eftir að efnahagsundrið Ísland hrundi til grunna yfir nótt silaðist forsætisráðherra á fætur upp úr brakinu, gráhærður af ryki, til að segja þetta: Við vitum akkúrat ekkert hvað við ætlum að gera, fyrir utan það að allar innistæður í bönkunum eru að fullu tryggðar. Þetta hefur síðan verið áréttað líklega á annað þúsund sinnum með mismiklum málalengingum. Hvort tveggja. 

 

Já, ég vil lesa endurgjöf í samfélaginu!

IMF byrjaður að lána Íslandi

The times they are a-changin'

Gestur Vefritisins að þessu sinni er Bjarni Þór Pétursson. Í pistlinum sínum les hann orð í eyru '68 kynslóðarinnar, sem að hans mati er ekki bara dauð heldur stendur enn í vegi fyrir mikilvægum framförum. Kynslóðin sem kom eins og stormsveipur inn í líf þjóðarinnar og ætlaði sér að bylta samfélaginu í vinstri sinnað réttlátt samfélag er nú að ranka við sér á dánarbeðinu í jakkafötum frjálshyggjunnar á öfgunum hægra megin. Frjálsar ástir urðu frelsi í viðskiptum og uppi sitja komandi kynslóðir með fjárhagslega eyðniveiru. 

 

Já, ég vil lesa um sök '68 kynslóðarinnar!

Kosningar ...eftir smá

Félagshyggjufólk, sem skundar nú og mótmælir um hverja helgi, er margt hvert ósátt við Samfylkinguna. Steindór Grétar Jónsson fjallar í dag um vandasama stöðu flokksins í róstursömu umhverfi dagsins í dag. Því fylgir [...] mikil hætta að slíta ríkisstjórnarsamstarfinu nú strax, rjúfa þing og boða til kosninga. Í fyrsta lagi gætu Sjálfstæðismenn kippt Framsókn eða Vinstri grænum inn í ríkisstjórn (er ekki öllu trúandi upp á þá eftir framgöngu þeirra í borginni?). Í öðru lagi þarf að koma fjárlögum í gegn fyrir jól. Í þriðja lagi vill Samfylkingin ekkert gera sem gæti orðið til þess að fyrirhugaðri stefnubreytingu Sjálfstæðisflokks (og Framsóknar) í Evrópumálum verði teflt í tvísýnu.  

 

Já, ég vil gjarnan lesa um Samfylkinguna og væntanlegar kosningar!

Stólar merktir ráðherrum

Leitin að hinu jákvæða

Einar Örn Einarsson reynir að endurtaka ekkert sem Moggabloggarar og Egilskommentarar hafa skrifað áður, enda skrifar hann eiginlega ekki um Davíð Oddsson í grein dagsins á Vefritinu. Hann einbeitir sér að því jákvæða sem kreppan getur komið með, eins og að losa okkur við stórfyrirtækjadýrkun sem hefur grasserað að undanförnu. Oft er talað á niðrandi hátt um eigendur lítilla fyrirtækja. Þetta eru „sjoppukallar“ og „smákóngar“. Stjórnmálamenn hafa á síðustu árum lagt litla áherslu á að hjálpa þessum aðilum. Helsta afrekið hefur verið að lækka skatta á fyrirtæki, en það hjálpar langmest stærri og arðbærari fyrirtækjum (einsog t.d. bönkunum) en ekki þeim sem eru að hefja rekstur og þurfa oft að glíma við taprekstur. 

 

Já, ég vil endilega lesa eitthvað annað en venjulega

Af súkkulaðikúlu og „íslensku leiðinni“ í alþjóðasamskiptum

Í kreppuumræðum undanfarinna vikna hefur staða Íslands á alþjóðlegum vettvangi oft borið á góma. Stóru málin hafa vitaskuld verið Icesave og Evrópusambandið. Í grein dagsins fjallar Anna Tryggvadóttir um „íslensku leiðina“ í alþjóðasamskiptum. Í rauninni má segja að í Icesave-málinu kristallist viðhorf Íslendinga til umheimsins. Í langan tíma höfum við litið á okkur sem súkkulaðikúlu í snúsnú-leik alþjóðasamfélagsins. Við fáum að vera með og leika okkur – en þurfum bara aldrei að snúa.  

 

Já, ég vil lesa meira um súkkulaðikúlur!

Hollendingar lána Íslandi

Hættum að vera svona leiðinleg við Sjálfstæðisflokkinn

Eva Kamilla Einarsdóttir kemur Sjálfstæðisflokknum til varnar í grein dagsins. Því enda þótt flokkurinn hafi verið við völd undanfarin ár og áratugi erum við bara að „persónugera vandann“ með því að vera svona leiðinleg við hann. Núna, þegar kemur að skuldadögum, þurfum við að sýna samstöðu og hætta að vera svona leiðinleg við Sjálfstæðisflokkinn. Og í guðanna bænum förum ekki að fara fram á einhverja forgangsröðun. Það færi nú ekki vel með Sjálfstæðisflokkinn og vini hans. Allra allra síst má síðan félagshyggjufólk fara að leggja einhverja sérstaka áherslu á velferðar-, mennta- og heilbrigðismál. Það má ekki heimta að forgangsraðað verði sérstaklega í þágu þeirra. 

 

Já, ég vil lesa hvernig ég get lagt mitt mitt af mörkum

Handrit Seðlabanka ekki skilið eftir

Hvernig þjóðfélag viljum við?

Í ólgusjó undanfarinna vika hafa skammtímalausnir litað umræðuna. Í grein sinni lítur Þórður Sveinsson fram á veginn, spáir vinstrisveiflu í íslenskum stjórnmálum og sér framtíð Íslands borgið í blönduðu hagkerfi. Í þessu blandaða hagkerfi væru fyrirtæki fyrst og fremst rekin starfsemi þeirra sjálfra vegna en ekki til að skapa eigendum ofsagróða á skuldsettu verðbréfabraski sem getur sett allt á annan endann. Sjálfstæði fjölmiðla yrði tryggt sem mest mætti verða. Skýrar reglur yrðu settar um eignarhald sem þó væru ekki það íþyngjandi að þær stefndu rekstri þeirra í voða. Til að auka svigrúm til að dreifa eignaraðildinni mætti hugsa sér að fjölmiðlarnir væru öðrum þræði reknir á félagslegum grunni og fengju styrki frá ríki og sveitarfélögum. 

 

Já, ég vil lesa um framtíð Íslands

Ráðherrar boða blaðamannafund

Hin hreinu hænsn

Gestur Vefritisins að þessu sinni er Jón Þór Pétursson. Í grein sinni fjallar hann um íslensku landnámshænuna, hreinleika hennar og hamingju, en kannski líka eitthvað fleira. Það kemur því ef til vill ekki á óvart að íslenska landnámshænan býr yfir mörgum mannkostum landnámsmannanna enda hefur hún þurft að glíma við svipuð vandamál í gegnum tíðina. Íslenska landnámshænan er minni en margar aðrar hænutegundir en á móti kemur að hún er harðger og dugleg og það má hugsa sér að þessi persónueinkenni hafi mótast í baráttu við óblíð náttúruöfl Íslands. Íslensku landnámshænurnar fara ekkert að væla þó úti blási heldur setja undir sig hausinn og arka af stað. Íslenski einyrkinn er ekki bara maður, hann er líka hæna, jafnvel kona ef út í það er farið. 

 

Já, ég vil lesa um íslensku landnámshænuna»

Ungahlutfall veiddra rjúpna 78%