Hugleiðing um frelsi

Í grein dagsins lítur Eva Bjarnadóttir á hugtakið frelsi, hversu ólíkar birtingarmyndir það getur átt og mikilvægi þess að einfalda ekki um of umræðuna um það. Í greininni segir m.a: Það virðist ekki vefjast fyrir mörgum hvað þetta frelsi sé. Líkt og allir séu að tala um það sama. En því fer fjarri. Frelsi er jafn afstætt og öll önnur hugtök búin til af mönnum. Það er misjafnt eftir tíma og rúmi hvernig fólk túlkar frelsi sitt.

Lesa meira....

%u201CBeautiful nature, you know%u201D

Í grein dagsins skoðar Styrmir Goðason ferðamannaiðnaðinn og hvers vegna það þarf að samþætta þann iðnað við aðra hagsmuni landsmanna svo vel sé. Í greininn segir m.a: Samkvæmt könnun ferðamálastofu frá árinu 2005 koma 75% ferðamanna til Íslands til að upplifa náttúruna. Þessir ferðamenn hafa mikið fyrir því að koma hingað þar sem það er dýrt og lítið er um pakkaferðir, en í sömu skýrslu ferðamálastofu kemur fram að flestir ferðamenn koma hingað á eigin vegum.

Lesa meira.....

Indland á krossgötum

Indverska hagkerfið hefur tekið stakkaskiptum á undanförnum tveim áratugum. Dregið hefur verið úr ríkisafskiptum af efnahagslífinu og hagkerfið hefur verið opnað fyrir erlendum viðskiptum og fjárfestingu. Árangurinn hefur ekki látið standa á sér, enda hefur hagvöxtur verið með því mesta meðal stærri hagkerfa í heiminum og mikil sókn er í indverska tölvu- og tækniiðnaðinum. Það er hins vegar ýmislegt sem bendir til þess að innviði Indlands þola ekki frekari vöxt – vegakerfi landsins er kaótískt, skólpkerfið ræður illa við rigningatímabil sumarsins, rafmagnstruflanir eru tíðar og hið lýðræðislega ferli er að mörgu leyti viðkvæmt fyrir bíræfnum popúlískum áróðri. Í helgarumfjöllun vikunnar fjallar Agnar Freyr Helgason um krosgöturnar sem Indland er á og hvaða lausnir eru í sjónmáli fyrir innviði indverska hagkerfisins

Lesa grein....

Allir í framboð

Í grein dagsins veltir Helga Tryggvadóttir fyrir sér nýja framboðinu, Íslandshreyfingunni, og mögulegum afleiðingum þess. Í greininni segir m.a: Framboð sem leggja höfuðáherslu á eitt málefni en sækja að öðru leyti inn á miðjuna hafa áður komið fram í íslenskum stjórnmálum. Skemmst er að minnast tilkomu Frjálslynda flokksins sem frá upphafi lagði höfuðáherslu á breytt fiskveiðistjórnunarkerfi. Vandinn sem Íslandshreyfingin stendur nú frammi fyrir eru hins vegar þröskuldar til þess að ná kjöri til Alþingis og við úthlutun jöfnunarsæta, en þar koma einungis þau stjórnmálasamtök til álita sem hlotið hafa að minnsta kosti fimm prósent greiddra atkvæða á landsvísu.

Lesa meira...

"Jafnréttissinnar eru perrar"

Í grein dagsins veltir Anna Tryggvadóttir meðal annars fyrir sér staðalímyndum í tengslum við klæðnað kvenna. Í greininni segir meðal annars: “En það sem er verst við slæðuáráttu Vesturlandanna er bara ekki röng forgangsröðun, og að þar sé verið að leggja áherslu á birtingarmyndir karlasamfélagsins en ekki raunverulegar meinsemdir þess. Með því að segja við múslimakonur að þær geti ekki verið femínistar nema þær séu ekki með slæðu, er verið að tengja Vesturlönd og jafnréttisumræðuna órjúfanlegum böndum. Gallinn er bara sá að mjög margt sem frá okkur kemur á ekkert skylt við jafnrétti.” 

Lesa meira....

Hver vilt þú að stjórni þínu landi?

Í grein dagsins fjallar Guðfinnur Sveinsson um afstöðu ríkisstjórnar Íslands til stríða svo sem Íraksstríðsins.  Í greininni segir m.a: Árið 2003, nánar tiltekið aðfaranótt 20. mars það ár, réðst Bandaríkja- og Bretlandsher inní Írak með stuðningi 49 annarra þjóða, sem kölluðu sig “Bandalag viljugra þjóða”. Ein af þeim þjóðum var, og er Ísland. Síðan þá hafa átök staðið yfir án hléa. Morð á saklausum borgurum, mannréttindabrot og eyðilegging samfélagsins - allt í okkar nafni. Er ekkert óeðlilegt við það, að ólögleg ákvörðun tveggja manna sem var tekin án samráðs við Alþingi og Utanríkismálanefnd, standi óhreyfð enn þann dag í dag?

Lesa meira........

Þagnargildi þjáninga og gleymska á friðartímum

Nýlega var gengið til kosningar til Finnlandi þar sem ýmislegt breyttist.  Erla Elíasdóttir skoðar Finnsku þjóðina og umbrotamikla sögu hennar sem hefur skilið eftir spor í vitund hennar.  Í framhaldi veltir hún upp hvernig slík saga getur mótað stjórnmálalíf þjóðar og gefið því aðrar forsendur en við þekkjum hér á Íslandi. Í greininni segir m.a: Í lok sama árs nýttu Finnar sér þá upplausn er skapast hafði í Rússlandi eftir byltinguna og lýstu yfir sjálfstæði. Þó var þess skammt að bíða að  uppreisn Jafnaðarmanna í kjölfar ósigurs þeirra á þingi myndi leiða til styrjaldar, sem varði frá janúar 1918 fram í maí sama árs. Lesa meira...

Vanhanen ræðir við leiðtoga annarra flokka í dag

Gonzales og alríkissaksóknararnir 8

Nýjasta hneykslið sem skekur Hvíta Húsið og fylgismenn Bush er til umfjöllunar í grein dagsins. Þórir Hrafn Gunnarsson útskýrir hvað felst í uppsögnum 8 bandarískra alríkissaksóknara sem hafa vakið svo miklar deilur. Auk þess skoðar hann hver Gonzales, góðvinur George Bush Bandaríkjaforseta er og hver hans aðkoma að málinu er. Í greininni segir m.a: Það sem er alvarlegast í þessu máli er ekki hversu augljóslega Gonsalez hefur beygt og brotið flestar þær reglur sem menn í hans stöðu eiga að virða. Hegðun Gonsalezar er augljóslega alvarleg í sjálfu sér, en hún er merki um þá óheilbrigðu stefnu sem ríkisstjórn Bush hefur starfað eftir. Í stjórnartíð Bush hefur embættismönnum og öðrum starfsmönnum verið umbunað fyrir eina dyggð, hollustu. Hér ekki um hollustu gagnvart ríki og þjóð og hagsmunum, heldur hollustu við Bush og stefnu hans.

Lesa Meira.....

Óbilandi stöðugleikinn

Í grein dagsins gerir Agnar Burgess góða úttekt á því hvað stendur að baki slagorðunum um þann efnahagslegan stöðugleika sem okkur er sagt að ríki á Íslandi. Í greininni segir m.a: "Stöðugleikinn er ekki til staðar, ekki nema það kallist stöðugleiki að hafa síbreytilega verðbólgu, eða þá stöðugan slaka í efnahagsmálunum. Það eina sem helst raunverulega stöðugt er fastafylgi Sjálfstæðisflokksins" Lesa meira...

Til hamingju með afmælið!

Í grein dagsins rifjar Þórir Hrafn Gunnarsson upp það sem við ættum ekki að gleyma, Íraksstríðið.  Í greininni segir m.a: Í dag vitum við að allur aðdragandi Íraksstríðsins byggðist flóknum blekkingarleik þar sem að lygum og hálfsannleik var óspart beitt til þess að réttlæta stríðið. Það sáu reyndar margir í gegnum þennan blekkingarleik á sínum tíma, en því miður ákváðu ráðamenn sumra þjóða frekar að falla fyrir rangfærslum Bandaríkjamanna og Breta. Ísland var ein af þeim þjóðum sem ákvað að styðja þessa innrás og er sú ákvörðun ævarandi smánarblettur á utanríkisstefnu þjóðar okkar. Lesa meira