Staða Íslands gagnvart Evrópusambandinu

Stjórnmálafræðineminn Jón Hartmann fjallar í grein dagsins um einkenni smáríkja, stöðu Íslands gagnvart Evrópusambandinu og veltir því fyrir sér hvort Ísland geti staðið utan ESB:

Það er ljóst að staða Íslands hefur breyst gríðarlega mikið og hratt síðustu misseri. Fall bankanna hefur varpað skýru ljósi á hversu viðkvæmt landið er fyrir áföllum og hversu dýrkeypt það hefur verið okkur að standa ein og óstudd. Gjaldeyriskreppan eykur á vanda þjóðarinnar sem er ærinn fyrir og ljóst er að sú peningamálastefna sem rekin hefur verið hér síðustu ár hefur ekki heppnast. Íslendingar hafa í gegnum tíðina treyst á tvíhliðasamninga við sterkar þjóðir en landið hefur nú vaknað upp, eitt og yfirgefið, án skjóls. Lesa meira»

 

 

Ísland leitar til seðlabanka Evrópu og Bandaríkjanna

Góðærið komið í Kattholt

Í grein dagsins fjallar Lára Jónasdóttir um áhrif kreppunnar á kattahald landans:

Hver hefur ekki heyrt um fólk sem fer og kaupir sér eitthvað til að láta sér líða betur. Hvort sem það er ís, föt eða tölvuleikir. Nú eru kettir nýja uppfyllingarefnið. Að eiga gæludýr kennir fólki þó svo margt um virðingu og kærleika að ég tel þetta góða lausn. Enginn þarf heldur að hafa áhyggjur af því að kisurnar klárist, það er engin vöntun á köttum úr Kattholti í leit að góðu heimili. Lesa meira»

 

Viðurkennið mistök og axlið þannig ábyrgð!

Guðlaugur Kr. Jörundsson á sunnudagsgreinina að þessu sinni:

Stjórn og stjórnendur Fjármálaeftirlitsins og Seðlabankans ásamt stjórnvöldum bera samábyrgð á strandinu. Þessir aðilar þurfa að viðurkenna mistök sín og iðrast. Það leynist engum að þessir aðilar hafa gert mistök. Á þeirra vakt gerðist það óvart að þjóðarskútan strandaði. Við getum greint síðar nákvæmlega í hverju mistökin fólust en þessir aðilar verða að viðurkenna nú þegar að mistök voru gerð og iðrast. Lesa »

Allt í einu eyland

Í grein dagsins fjallar Pétur Ólafsson um atburði liðinna vikna. Um ESB, Seðlabankann og yfirvofandi skuldafen: Það er næsta grátlegt að hugsa til þess að hægt hefði verið að koma í veg fyrir þetta og það án verulegrar blóðtöku. Það hefði mátt ganga í ESB og taka upp Evru. Þá hefði Ísland ekki þurft á aðstoð IMF að halda í hildarleik síðustu vikna. Þetta er sem sagt fyrst og síðast krónunni að kenna. Skellurinn varð miklu meiri en ef við hefðum verið hluti af heild ESB. Auk krónunnar má nefna alþjóðlega lánsfjárkreppu, óásættanlega peningamálastjórn, skort á regluverki og útrásarvíkinga í pissukeppni. Lesa »

Bogi Nilsson stýrir gerð bankaskýrslunnar

Sönnun í kynferðisbrotamálum gegn börnum

Hrafnhildur Kristinsdóttir skrifaði nýverið meistararitgerð í lögfræði um sönnun í kynferðisbrotamálum gegn börnum. Í grein dagsins birtir hún úrdrátt úr ritgerð sinni:

Kynferðisbrot gegn börnum eru svívirðileg afbrot, þar sem fullorðinn einstaklingur misnotar yfirburðastöðu sína gagnvart barni og brýtur gegn því á mjög grófan hátt. Þessi mál vekja iðulega upp mikla reiði og fyrirlitningu í samfélaginu og hafa flestir sterkar skoðanir á því hvernig þau skulu meðhöndluð í réttarvörslukerfinu. Reglulega spretta upp umræður í þjóðfélaginu um þennan málaflokk, jafnt meðal löglærðra sem ólöglærðra. Ég ákvað að skyggnast inn í dómaframkvæmdina í þessum brotaflokki í því skyni að kanna hvernig sönnun er háttað og komast að því hvort framkvæmdin sé í samræmi við þær reglur sem gilda á þessu sviði. Lesa meira»

Bjartsýni í kreppu

Lögfræðigúrúið og bjartsýniskonan Dagný Ósk Aradóttir gerir kreppuna að umfjöllunarefni sínu í grein dagsins:Mig langar til þess að sjá tækifæri í kreppunni. Við eigum alveg helling. Við eigum fullt af fólki sem er hámenntað og framarlega á sínu sviði í vísindum og rannsóknum og við eigum fulla háskóla af ungu fólki. Við eigum náttúruna og ef við spilum rétt úr spilunum (og ef ákveðnir aðilar fara að halda kjafti þegar þeir vita ekki um hvað þeir eru að tala) þurfum við ekkert að missa ímyndina. Lesa »

Sátt um IMF-lán í Seðlabanka

Nýja Ísland

Í grein dagsins fjallar Sandra Ósk Snæbjörnsdóttir um fjármálakreppuna á Íslandi, afleiðingar hennar og hvað taki við í framhaldinu: Svo vöknuðum við, og fyrst um sinn var allt breytt. Hvern morguninn á fætur öðrum hafði banki rúllað á hliðina, hver stórfréttin á fætur annarri, blaðamannafundir daglegt brauð. Og hvað svo? Svo fór lífið allt í einu og óvænt í sömu skorður. Alla vega á mínum bæ. Hafragrautur, skóli og Bónusferðir. Lognið á undan storminum? Hvað tekur við? Lesa »

Fjármálafyrirtækin í vanda

Krydd í tilveruna

Grein dagsins á Kristín Svava Tómasdóttir sem ritrýnir í sögulegu samhengi bók Þráins Lárussonar, Krydd.Uppruni, saga og notkun: Er skömmtun og endurnýjuð haftastefna það sem koma skal? Ég skal ekki segja. En til að hressa mannskapinn, umfram augljósar ábendingar um það hroðalega ástand sem önnur fórnarlömb kapítalismans búa við úti um víða veröld, er rétt að benda á eitt af því sem gerir okkur umtalsvert betur stödd en þá sem bjuggu við afleiðingar síðustu kreppu. Lesa »

Aðgengi að íslenska réttarkerfinu; Lok, lok og læs og allt í stáli, lokað fyrir Páli?

Laufey Helga Guðmundsdóttir á grein dagsins að þessu sinni. Í henni fjallar hún um aðgengi efnaminna fólks að réttarkerfinu. Hvaða úrræði eru í boði fyrir þá sem ekki hafa efni á aðstoð lögmanns: Nú kostar háar fjárhæðir að leita til lögmanna til að greiða úr þeim flækjum sem upp geta komið. Það kostar allt frá 10.000 kr. og upp í á sjötta tug þúsunda að ráða sér lögmann í eina klukkustund, eftir því hvort um er að ræða fulltrúa án lögmannsréttinda eða lögmann með sérhæfingu og mikla reynslu að baki

Lesa »

„Best í heimi“

Steindór Grétar Jónsson fjallar í grein dagsins um útrásina og ímyndina. Hann skoðar gamlar ræður og rit frá æðstu stofnunum landsins: Íslendingar búa yfir eiginleikum sem gegnt hafa veigamiklu hlutverki í lífsbaráttu þjóðarinnar og eru nú grunnurinn að kröftugu viðskiptalífi. Það er forvitnilegt umræðuefni hvernig menning og saga móta útrásina, hvernig eiginleikar sem eiga sér rætur í arfleifð okkar gefa Íslendingum hugsanlega forskot á alþjóðavelli, hvernig vitund og venjur sem um aldir mótuðu samfélagið hafa reynst útrásarsveitinni haldgott veganesti.
  Lesa »