Frjáls markaður siglir í strand

Í nýrri ritstjórnargrein Vefritsins má sjá greiningu á ástandi síðustu daga og vikna. Mikið hefur gengið á og almenningur tekið á sig hærri skuldir en áður hefur þekkst í sögu landsins: Atburðir síðastliðinni vikna eru skólabókadæmi um galla frjáls markaðar og sýna fram á að skýrar og strangar reglur á fjármálafyrirtæki eru nauðsynlegar til að verja almenning fyrir áhættuspili banka og fjárfesta. Öflugar eftirlitsstofnanir er eitt af því sem skilgreinir nútíma lýðræðisríki, en Ísland virðist ekki falla undir þá skilgreiningu enn sem komið er.
Lesa »

Athugasemdir

[Helgi Hrafn Gunnarsson (IP-tala skráð) 9.10.2008 kl. 16:56]

Frjáls BANKA-markaður siglir í strand, ætti þetta að vera.

Bankar eru ekki venjuleg fyrirtæki og ekki á að líta á þau sem slík. Það sem er að gerast núna er ekki hrun frjálsrar verslunar, heldur frjálsrar bankastarfsemi. Það er munur þar á, þar eð venjuleg fyrirtæki framleiða vöru eða þjónustu, en bankar (bókstaflega) framleiða peninga.

Almættið forði okkur frá bloddí kommúnistunum að taka yfir allan rekstur á meira eða minna öllu vegna þessa. Fjármálastofnanir eiga í það minnsta að vera mun betur vaktaðar, og ekki á að gefa þeim svona mikil völd, sem Sjálfstæðismenn kalla að vísu frelsi en kemur frelsi andskotann ekkert við.

Það er nákvæmlega ekki neitt að frjálsum markaði. Vandamálið er að bönkum eru gefin of mikil völd og umsvif yfir undirstöðum alls samfélagsins. Þetta er ekki hrun frjálsrar verslunar, bara hrun heiladauðrar stefnu í bankamálum almennt.

[Ásgrímur Hartmannsson, 10.10.2008 kl. 23:22]

Völd vilja svolítið leita upp á við.  Það er og hefur alltaf verið slæm hugmynd.

Því völdum fylgir ábyrgð - þangað til þau eru öll komin upp.  Þá er engin ábyrgð.  Því gagnvart hverjum er alvaldur ábyrgur?