Allt sem er djúpt og dimmt í heiminum

Klám er bannað á Íslandi, en það er samt mjög auðveldlega aðgengilegt hérlendis. Eins og fram hefur komið í umræðu um klám undanfarna daga, er hægt að kaupa það í búðum. Ennþá auðveldara er að skoða það á Internetinu. Í helgarumfjöllun vikunnar skoðar Anna Pála Sverrisdóttir klámsíður á Netinu og veltir meðal annars upp einni hlið á spurningunni um frelsi og frjálsan vilja: „Við höfum líklega flest tekið þátt í einhverri umræðu um klám undanfarna daga, í tengslum við það hvort halda ætti hér ráðstefnu klámframleiðenda eða ekki. Meirihlutinn, eða a.m.k. meira áberandi voru þau sem ekki vildu sjá þessa ráðstefnu. Fókusinn í þessari umræðu hefur að einhverju leyti verið á einstaklingsfrelsið; frelsi til ferðalaga og fundahalda auk frelsis til að hafa þá atvinnu sem maður kýs sér sjálfur.“ Lesa meira.