Friðarverðlaun Nóbels og afneitunarsinnar

Nýlega voru Al Gore og Vísindanefnd Sameinuðu þjóðanna um loftslagsbreytingar tilnefnd friðarverðlaun Nóbels. Ekki eru allir á eitt sáttir með val dómnefndarinnar og helst eru þeir svekktir sem hafna því að loftslagsbreytingar eigi sér stað. Pétur Ólafsson fjallar um tilnefningu Gores og efahyggjumenn: „An Inconvenient Truth hlaut Óskarsverðlaun og nú hefur Al Gore sjálfur fengið tilnefningu norsku nóbelsnefndarinnar til friðarverðlauna. Enn heyrast þó raddir sem bölva því að allt í einu sé búið að viðurkenna að loftslagsbreytingar séu mikið til af mannavöldum – að þær hafi umbreyst í pólitíska rétthugsun.“

 

Ég vil endilega lesa meira um afneitun loftslagsbreytinga.... 

Athugasemdir

[Stefán (IP-tala skráð) 19.10.2007 kl. 11:50]

Það eru fáir sem hafna því að loftslagsbreyting eigi sér stað, hinsvegar hafa margir efasemdir um að þróunin sé af mannavöldum og hafa fyrir því ýmis rök m.a. margir af helstu loftslagssérfræðingum heimsins, enda hafa slíkar loftslagsbreytingar oft átt sér stað áður í jarðarsögunni.

[Hannes Hólmsteinn Gissurarson, 22.10.2007 kl. 16:59]

Það er ljóst, að við erum á hlýnunarskeiði, sem hefur verið allt frá um 1980. Hlýnunin virðist þó hafa stöðvast um 1998, því að síðan hefur ekki hlýnað í Bandaríkjunum, þar sem mælingar eru fullkomnastar (en sums staðar kólnar, t. d. á Suðurhvelinu, og annars staðar hlýnar, t. d. í Evrópu). Hlýnunin síðustu öldina nemur þó ekki nema 0,7 hitastigum. Það er líka ljóst, að koltvísýringur í andrúmslofti hefur aukist um rösk 30%. Til er sennileg kenning um samband þessa tvenns. Eitthvað getur því verið til í hlýnunarkenningunni. En á meðan við getum ekki einu sinni sagt með vissu til um veðrið eftir viku og því síður stjórnað því, getum við ekki haft neina stjórn á loftslaginu. Við mennirnir höfum hins vegar langa reynslu í að laga okkur að því. Hvar er váin? Og hvað á að gera við henni, ef hún er til? Umhverfisöfgamenn eru of óðamála og andstuttir til að geta svarað því. HHG